Na rasijskaj miažy zaviarnuli hruz biełaruskich małaka i masła
Na miažy pamiž Rasijaj i Biełaruśsiu, u Pskoŭskaj vobłaści, rasijskija inśpiektary spynili niezakonny ŭvoz troch partyj małočnaj pradukcyi ź Biełarusi — usiaho 3,9 tony masła i sterylizavanaha małaka.
Padčas pravierki vyśvietliłasia, što na tavar nie było vieterynarnych dakumientaŭ, jakija paćviardžajuć jaho biaśpieku i pachodžańnie. Adna z mašyn, što pieravoziła pradukty, nie mieła chaładzilnaha abstalavańnia, što źjaŭlajecca parušeńniem sanitarnych praviłaŭ.
Uvoz takoj pradukcyi praz terytoryju JEAES zabaronieny, tamu byŭ składzieny akt ab viartańni hruza, i tavar adpravili nazad u Biełaruś.
Čytajcie taksama:
Łukašenka pryznaŭsia, što ciapier nadta ciažka zbyć biełaruskaje masła
Jak adroźnivajucca ceny na pradukty ŭ Minsku i Maskvie
U Rasii žančyna skrała 29 pačkaŭ masła z kramy — joj prapanavali adpravicca na vajnu