Hałoŭnakamandujučy USU: Rasija pajšła ŭ nastup na Zaparožskim napramku
Hienieralny štab Uzbrojenych sił Ukrainy paviedamiŭ, što siły abarony praciahvajuć strymlivać nastupalnyja dziejańni rasijskich vojskaŭ na roznych napramkach frontu.
Fota: Hienštab Ukrainy
Asnoŭnyja namahańni praciŭnik zasiarodziŭ na Pakroŭskim, Tareckim, Limanskim, Navapaŭłaŭskim napramkach, a taksama ŭ pamiežnych z Rasijskaj Fiederacyjaj rajonach Sumskaj vobłaści. Značna aktyvizavaŭsia na Zaparožskim napramku, dzie pravodzić aktyŭnyja nastupalnyja dziejańni, paviedamlaje UNIAN.
Hałoŭnakamandujučy Uzbrojenych sił Ukrainy Alaksandr Syrski adznačyŭ, što ŭ hłybokim tyle praciŭnika z dapamohaj sistem DeepStrike ŭ mai było naniesiena 58 udaraŭ pa vajennych abjektach na terytoryi Rasii, u tym liku pa pradpryjemstvach vajenna-pramysłovaha kompleksu, jakija zajmajucca vytvorčaściu vybuchovych rečyvaŭ i ŭdarnych bieśpiłotnych latalnych aparataŭ.
Taksama jon dadaŭ, što apieracyja na Kurskim napramku praciahvajecca.