Zialenski: U apieracyi «Pavucińnie» byli vykarystany 117 dronaŭ
Prezident Ukrainy Uładzimir Zialenski padvioŭ vyniki ataki SBU pa aeradromach Rasii.
Uładzimir Zialenski. Skrynšot ź videa: pres-słužba palityka
«Ofis» apieracyi «Pavucińnie» u Rasii znachodziŭsia kala adnaho z upraŭleńniaŭ FSB. Usie ludzi, jakija dapamahali ŭkrainskamu boku, vyjechali z krainy da pačatku ataki i zaraz znachodziacca ŭ biaśpiecy, skazaŭ Zialenski.
Usiaho byli vykarystany 117 dronaŭ, jakimi kiravali stolki ž ludziej. Parazić atrymałasia 34% stratehičnych nośbitaŭ kryłatych rakiet na aeradromach bazavańnia.
«Rychtavali apieracyju bolš za paŭtara hoda. Płanavańnie, arhanizacyja, usie detali byli idealna padrychtavanyja. Možna z upeŭnienaściu skazać, što heta całkam unikalnaja apieracyja», — zaŭvažyŭ Zialenski.