Prapahandyst Sałaŭjoŭ zaklikaŭ rasstralać sałdata, jaki zapościŭ videa pra ataku dronaŭ

Jaho nie padtrymali navat Z-błohiery.

Uładzimir Sałaŭjoŭ

Prapahandyst Sałaŭjoŭ u efiry svajoj prahramy zaklikaŭ da rasstrełu sałdata terminovaj słužby, jaki źniaŭ na videa ataku dronaŭ na rasijski aeradrom i vykłaŭ jaho ŭ sacsietki.

«A možna jaho rasstralać, hetaha terminovika? Voś vyvieści hetu svołač pierad strojem i prosta rasstralać, jak zdradnika Radzimy», — zajaviŭ Sałaŭjoŭ.

Hetyja słovy vyklikali abureńnie navat u Z-supolnaści, zaŭvažyŭ telehram-kanał Astra.

Naprykład, telehram-kanał «Romanov Łajt» napisaŭ:

«Prosta ŭ miarzoty čarhovy raz sarvała dach. Ad poŭnaj biespakaranaści».

Z-błohier Raman Alochin taksama raskrytykavaŭ zajavu Sałaŭjova, adznačyŭšy:

«Čamu niama pretenzij da tych, chto ŭ Minabarony adkazvaje za vychavańnie i ideałahičnuju pracu? Padletka, jakoha vychavali na pryncypie «nie zapościŭ — značyć, nie było», treba rasstralać, a tych, chto pavinien byŭ sfarmiravać ź jaho abaroncu radzimy — uznaharodzić? Dziŭnaja łohika».

Inšy Z-kanał «PriZrak Novorośsii» dadaŭ:

«Viedaju adnaho čałavieka, jakoha pasadzili za ekstremizm za frazu «Za heta rasstrelvać treba…». A tut — maŭlaŭ, «heta inšaje». Nu, dobra. Voś tak i «pieramožam».

Kamientary da artykuła