«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton
U siecivie stała virusnym videa, dzie vidavočcy ŭ Irkuckaj vobłaści sprabavali spynić drony, jakija vylatali z hruzavika dla ataki na vajskovy aeradrom. Kali drony-kamikadze pačali vylatać, na dach fury zabralisia niekalki mužčyn, jakija sprabavali pieraškodzić bieśpiłotnikam. Adnym ź ich akazaŭsia dalnabojščyk ź Biełarusi.
Anton Mackievič pryjechaŭ u Usolle-Sibirskaje ź Biełarusi i apynuŭsia na parkoŭcy, dzie spyniŭsia hruzavik z kantejnieram. Kali ź jaho pačali vylatać FPV-drony, ludzi zaleźli na dach i sprabavali spynić ataku:
«Usie dapamahali, kab jany nikudy nie ŭźlatali. Jany znachodzilisia ŭ kuzavie, my kidali kamiani, kab jany nie ŭźlatali», — raspavioŭ «Bazie» biełarus Anton Mackievič.
Anton Mackievič, jaki ciapier pracuje dalnabojščykam, vučyŭsia ŭ Viciebskim dziaržaŭnym univiersitecie imia Mašerava na fakultecie fizičnaj kultury i sportu.
Hubiernatar Irkuckaj vobłaści Ihar Kobzieŭ užo paabiacaŭ uznaharodzić vidavočcaŭ, jakija sprabavali źbić drony padčas ich uźlotu.
Učora Ukraina praviała masiravanuju ataku na vajskovyja aeradromy Rasii.
Apytanka
Ciapier čytajuć
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž3
Kamientary