U Vilni prajšoŭ matč u padtrymku źniavolenych biełaruskich žurnalistaŭ
5 červienia adbyŭsia tavaryski matč pamiž pradstaŭnikami Ofisa Śviatłany Cichanoŭskaj i Siejma Litvy.
Foty Alaksandra Harhałyka
Na baku Ofisa vystupili Franak Viačorka, Anatol Labiedźka i Dzianis Kučynski, a taksama aktyvisty hramadzianskaj supolnaści, paviedamlaje Ofis Śviatłany Cichanoŭskaj.
Pierad pačatkam hulni prajšła akcyja salidarnaści ź biełaruskimi žurnalistami i žurnalistkami, jakija znachodziacca za kratami za svaju pracu i praŭdu.
«Amal 40 pradstaŭnikoŭ i pradstaŭnic miedyja znachodziacca za kratami. Režym baicca praŭdy, tamu pieraśleduje tych, chto jaje ahučvaje. Ale svaboda słova i dostup da infarmacyi — heta padmurak hramadstva. Vyzvaleńnie ŭsich palitviaźniaŭ — našaja hałoŭnaja meta. I navat takija, na pieršy pohlad, prostyja kroki, jak futbolny matč, — heta nie pra sport. Heta pra salidarnaść, pra jednaść i pra supolnuju pazicyju», — skazała Śviatłana Cichanoŭskaja.
Matč skončyŭsia 7:5 na karyść deputataŭ litoŭskaha Siejma
Dzianis Kučynski kładzie miač u firmovym styli lehiendy suśvietnaha futboła Devida Bekchema