Rasija naniesła masiravany ŭdar pa adnym z apieratyŭnych aeradromaŭ Ukrainy
Unačy Rasija naniesła adzin z samych masiravanych avijaŭdaraŭ pa terytoryi Ukrainy za apošni čas. Pra heta paviedamiŭ načalnik upraŭleńnia kamunikacyj Pavietranych Sił Uzbrojenych Sił Ukrainy Juryj Ihnat.
U noč na 9 červienia (z 20:00 8 červienia) rasijanie ažyćciavili adzin z najbujniejšych masavanych udaraŭ pa Ukrainie za apošni čas, vykarystaŭšy 499 srodkaŭ pavietranaha napadu: 479 udarnych BPŁA typu «Shahed» i bieśpiłotnikaŭ-imitataraŭ roznych typaŭ; 4 aerabalistyčnyja rakiety Ch-47M2 «Kinžał»; 10 kryłatych rakiet Ch-101; 3 kryłatyja rakiety Ch-22; 2 supraćradarnyja rakiety Ch-31P; 1 kryłataja rakieta Ch-35.
Pavodle słoŭ Ihnata, hałoŭnym abjektam ataki staŭ adzin z apieratyŭnych aeradromaŭ.
«Havorka idzie pra šyrokaje prymianieńnie srodkaŭ pavietranaha napadu. Vorah całkam śviadoma nanios udar pa adnym z našych aeradromaŭ», — adznačyŭ Ihnat.
Padrabiaznaści i nastupstvy ataki pakul aficyjna nie ahučvajucca.
Rasija, vierahodna, atakavała avijabazu ŭ Dubnie Rovienskaj vobłaści. Miascovyja pabliki pišuć, što byŭ atakavany vajskovy aeradrom.