Na terytoryi Biełarusi zabłakavali tyktok-kanały Cichanoŭskaj i Łatuški
Heta pieršy padobny vypadak, kali dla karystalnikaŭ ź Biełarusi zakryvajuć dostup da niejkich videa.
Ciapier dla karystalnikaŭ u Biełarusi tyktok piša na akaŭntach lidaraŭ apazicyi Śviatłany Cichanoŭskaj i Paŭła Łatuški, što akaŭnt nie dasiažny ŭ vašaj krainie.
TikTok — kitajskaja sacyjalnaja sietka, jakaja naležyć kampanii ByteDance. Płatforma śpiecyjalizujecca na karotkich videa i maje miljardnuju aŭdytoryju pa ŭsim śviecie.
Biełaruskija ŭłady pilna manitorać sacsietki, ale dahetul nie było łakalnaj cenzury videa tyktok pa hieabłakavańni.
Błakiroŭka kanałaŭ Śviatłany Cichanoŭskaj i Paŭła Łatuški stała pieršym zafiksavanym vypadkam, kali TikTok abmiažoŭvaje dostup da palityčnaha kantentu mienavita dla karystalnikaŭ ź Biełarusi.
