U Minsku trom ludziam prysudzili ad 2 da 5 hadoŭ za salidarnaść z palitviaźniami

12 červienia ŭ Minskim haradskim sudzie byli abvieščanyja žorstkija prysudy trom ludziam, jakich abvinavacili ŭ salidarnaści z palitviaźniami. Im dali ad 2 da 5 hadoŭ pazbaŭleńnia voli, piša Dissidentby.

Uvosień 2024 hoda biełaruskija ŭłady pačali rejdy suprać svajakoŭ palitźniavolenych: ludziej masava vyklikali na dopyty, sadžali na 15 sutak i štrafavali za nibyta atrymańnie dapamohi.

Usiaho pad represii trapili jak minimum 51 čałaviek. U śniežni na praŭładnych ŚMI źjaviłasia prapahandysckaje videa z abvinavačańniami ŭ supracoŭnictvie z dabračynnymi fondami.

Praz hetyja padziei na łavie padsudnych apynulisia troje zatrymanych jašče letam i vosieńniu 2024 hoda. Voś jakija prysudy jany atrymali:

• Luboŭ Drahiel — 3 hady pazbaŭleńnia voli (ahulny režym);
• Alaksandr Jakuškoŭ — 2 hady pazbaŭleńnia voli (ahulny režym);
• Jaŭhien Bojka — 5 hadoŭ pazbaŭleńnia voli (uzmocnieny režym)

Kamientary da artykuła