Na ŭźbiarežža Turcyi vykinuła dron, padobny da ŭkrainskaha

Na tureckim uźbiarežžy znajšli bieśpiłotnik, jaki, pavodle miascovych ŚMI, nahadvaje ŭkrainski dron-kamikadze, piša «Ukrainskaja praŭda».

Fota: IHA

Incydent adbyŭsia 11 červienia kala 12:30 na plažy Uzunkum u rajonie Šyle pad Stambułam. Ludzi zaŭvažyli kala mora padazrony abjekt, źniešnie padobny da drona-kamikadze, i paviedamili pra heta bierahavoj achovie.

Na miesca pryjechali vyratavalniki, a paźniej sapiory Vajskova-marskich sił Turcyi. Pavodle miascovaha vydańnia Yeni Şafak, abjekt vyhladaje jak dron ukrainskaj vytvorčaści, a jaho nižniaja častka maje prykmiety vybuchovaha miechanizmu.

Pachodžańnie drona pakul dakładna nie ŭstanoŭlena, jaho pieradali na ekśpiertyzu. Heta nie pieršy vypadak, kali z pačatku poŭnamaštabnaha ŭvarvańnia Rasii va Ukrainu kala tureckich bierahoŭ znachodziać vybuchovyja pryłady.

Kamientary da artykuła