«Hopnikaŭ» Uładzimira Kazłova vydajuć pa-biełarusku
Vydaviectva «Łohvinaŭ» anansavała vychad pierakładu ramana Uładzimira Kazłova «Hopniki» na biełaruskuju movu. Pieradzamović knihu možna praz sajt vydaviectva. A 20 červienia ŭ Varšavie projdzie tvorčaja sustreča z aŭtaram, piša Bellit.info.
«Łaskava zaprašajem u niełaskavyja ŭskrainy Mahilova siaredziny 80-ch! — havorycca ŭ anatacyi da novaha vydańnia. — Narmalnyja pacany i niefarmały, svoj rajon i čužy, chaza i chabza, dyskač i aporka, Harbačoŭ i Rejhan, budzionnaje žyćcio i raptoŭnaja śmierć… Tut nabor pirožnych «Niestaličny» ad pieršaha pakaleńnia biełaruskich hopnikaŭ. Uładzimir Kazłoŭ, unikajučy lubaści/nianaviści, chutčej adstaroniena, vyjaŭlaje svajo junactva, pakidaje budučamu pakaleńniu amal što antrapałahičny atrakcyjon u formie ramaniety».
Vydaŭcy papiaredžvajuć, što hetuju knihu nie varta čytać ludziam, čułym da nienarmatyŭnych vyrazaŭ i apisańnia brutalnych scen.
20 červienia ŭ Varšavie ŭ prastory @bukinistka_pl (ul. Wieniawskiego, 5j) adbudziecca tvorčaja sustreča z aŭtaram Uładzimiram Kazłovym.
Čytajcie taksama:
Pa-biełarusku vyjšła kniha vybitnaha ŭkrainskaha postmadernista Juryja Izdryka
Jašče try apovieści Bykava pieravydali pad adnoj vokładkaj
Śviatłana Aleksijevič: Praz majho tatu pačała asensoŭvać trahiedyju cełaha pakaleńnia, epochi
Vyjšła kniha «Antałohija pryhažości. Tradycyjny biełaruski kaścium»