Biełarus Alaksiej Špileŭski ŭznačalić rasijski «Pary NN» zamiest Viktara Hančarenki
«Pary Nižni Noŭharad» i Alaksiej Špileŭski damovilisia pra trochhadovy kantrakt, jaki budzie padpisany ŭ najbližejšyja dni.
Čakajecca, što pahadnieńnie budzie padpisana ŭ najbližejšyja dni.
Raniej «Pary NN» abviaściŭ pra adstaŭku biełarusa Viktara Hančarenki. U siezonie-2024/25 kamanda zaniała 13-je miesca ŭ Rasijskaj premjer-lizie, ale sastupiła «Sočy» ŭ pierachodnych matčach i pavinna vylecieć u pieršuju lihu.
Ale, vidać, «Pary NN» zastaniecca ŭ RPŁ, bo «Chimki», što zaniali 12-je miesca, nie atrymali licenzii i pavinny pakinuć RPŁ. Kamandy premjer-lihi prahałasavali za toje, kab pakinuć u vyšejšym dyvizijonie mienavita «Pary NN».
Špileŭski bolšuju častku žyćcia pravioŭ u Hiermanii (jon syn viadomaha futbolnaha ahienta Mikałaja Špileŭskaha), pracavaŭ u sistemie «Štutharta» i «Red Buł» (Lajpcyh), a taksama treniravaŭ kamandy ŭ Biełarusi, Kazachstanie i Hiermanii.
Z 2022 hoda jon uznačalvaŭ «Arys, u 2023 hodzie pryvioŭ kłub da pieršych załatych miedaloŭ u čempijanacie Kipra, u minułym siezonie kłub finišavaŭ druhim u čempijanacie.
Čytajcie taksama:
Viktara Hančarenku zvolnili z rasijskaha kłuba, jaki vylecieŭ z premjer-lihi
Viktar Hančarenka druhi hod zapar pryvioŭ svoj kłub da vyletu z rasijskaj premjer-lihi