Stała viadoma, chto budzie davać kredyty handlovym sietkam na avansavyja płaciažy za aharodninu
Dva biełaruskija banki vydaduć kredyty handlovym sietkam na avansavyja vypłaty za harodninu ŭ mižsiezońnie. Heta praduhledžana va ŭkazie Łukašenki №232 ad 11 červienia 2025 hoda, jaki byŭ aficyjna apublikavany na Nacyjanalnym pravavym partale.
Ukaz vyznačaje adkaznaść handlovych sietak za adsutnaść u kramie pładova-aharodninnaj pradukcyi ŭ mižsiezonny pieryjad. Banki Biełahraprambank i Biełarusbank buduć vydavać kredyty naryštoŭščykam na termin da adnaho hoda dla apłaty avansaŭ pa damovach pastaŭki pradukcyi sa stabilizacyjnych fondaŭ.
Handlovyja sietki zmohuć atrymlivać kredyty pad 3% hadavych na avansavuju apłatu 30% pładova-aharodninnaj pradukcyi, jakuju jany zamaŭlajuć u dziaržaŭnym paradku pad svaje patreby. Suma kredytu vyličvajecca pa damovie pastaŭki z ulikam PDV.
U dakumiencie taksama adznačajecca, što ŭ damovy pastaŭki nielha ŭklučać elemienty inšych damoŭ, u tym liku pahadnieńniaŭ ab uzajemnym zaličvańni patrabavańniaŭ, a taksama ŭmovy pra źnižki, jakija nie praduhledžanyja zakonam. Akramia taho, zabaroniena ŭklučać abaviazki pa pryjomcy pradukcyi, jakaja nie adpaviadaje techničnym i narmatyŭnym patrabavańniam.
Formu standartnaj damovy pastaŭki budzie vyznačać Ministerstva antymanapolnaha rehulavańnia i handlu. Ukaz ustupaje ŭ siłu z 14 červienia 2025 hoda.
Čytajcie taksama:
Handlovym sietkam buduć davać ilhotnyja kredyty dla pieradapłaty za aharodninu
U Biełarusi raście kolkaść fiermierskich haspadarak. Čym jany zajmajucca?
U śviecie isnuje tolki adna kraina, zdolnaja całkam zabiaśpiečvać siabie ježaj
«U palitycy była sprava». Łukašenka vyśvietliŭ, čamu biełarusam nie chapiła bulby