Ryanair budzie štrafavać pasažyraŭ, jakija parušajuć paradak

Avijakampanija Ryanair pačynaje štrafavać pasažyraŭ, jakich zdymuć z rejsa za parušeńnie paradku. Štraf składzie 500 funtaŭ sterlinhaŭ (kala 586 jeŭra). Hetyja miery nakiravanyja na baraćbu z ahresiŭnymi pavodzinami na borcie i pakryćcio vydatkaŭ, jakija ŭźnikajuć praz zatrymki i źmieny maršrutaŭ.

Fota ilustracyjnaje

U Ryanair padkreślili, što inšyja pasažyry nie pavinny ciarpieć praz adnaho čałavieka, jaki pavodzić siabie nieadekvatna. Prytym štraf budzie nakładacca navat u tym vypadku, kali pasažyra vyvieduć z samalota jašče da vyletu. Śpisvacca jon budzie z kartki, jakaja vykarystoŭvałasia dla braniravańnia kvitka.

Kali vynikam dziejańniaŭ parušalnika stanie źmiena maršrutu, to jaho mohuć abaviazać pakryć usie źviazanyja z hetym vydatki — jany mohuć dasiahać bolš za 10 000 funtaŭ (kala 11 700 jeŭra).

Za znachodžańnie na borcie ŭ stanie ałkaholnaha apjanieńnia taksama praduhledžvajecca štraf da 5000 funtaŭ.

Kamientary da artykuła