CACHAŁ zahadaŭ žycharam adnaho z rajonaŭ Tehierana evakujavacca. Zrujnujuć budynak dziaržaŭnaha telebačańnia
Pres-sakratar CACHAŁ (Armii abarony Izraila) apublikavaŭ paviedamleńnie na piersidskaj movie z zaklikam da žycharoŭ 3-ha rajona Tehierana terminova evakujavacca.
U paviedamleńni havorycca:
«Vy pavinny pakinuć rajon u najbližejšyja hadziny — CACHAŁ naniasie tam udar».
Heta moža śviedčyć pra toje, što Izrail płanuje ŭdary pa kankretnych celach u stalicy Irana.
U dadzienym rajonie znachodziacca, u pryvatnaści, budynki dziaržaŭnaha telebačańnia krainy, atamnaha viedamstva i adnoj z raźviedsłužbaŭ.
«Rupar iranskaj prapahandy i raspalvańnia voś-voś źniknie. Pačynajecca evakuacyja navakolnych žycharoŭ», — zajaviŭ ministr abarony Izraila.
Čytajcie taksama:
ZŠA pierakidajuć na Blizki Uschod druhi avijanosiec i dziasiatki samalotaŭ
«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»