U Rasii zabrakavali biełaruskuju koka-kołu
Arhanizacyja «Rasijskaja sistema jakaści» vykazała pretenzii da biełaruskaj viersii napoja Coca-Cola. Pavodle słoŭ kiraŭnika słužby Maksima Pratasava, u chodzie pravierak pradukcyi, jakaja pastupaje ŭ Rasiju praz paralelny impart, u hetym biełaruskim napoi znajšli parušeńni.
Fota ilustracyjnaje
Padčas łabaratornych daśledavańniaŭ u składzie napoju znajšli pieravyšeńnie dapuščalnaj kolkaści artafosfarnaj kisłaty. Heta rečyva vykarystoŭvajecca jak kansiervant i padkiślalnik, ale jaho kolkaść pavinna stroha adpaviadać sanitarnym normam, bo pieravyšeńnie moža škodzić zdaroŭju.
Jašče adnoj prablemaj stała adsutnaść infarmacyi na ruskaj movie na ŭpakoŭcy — što parušaje rasijskaje zakanadaŭstva, bo ŭsia pradukcyja pavinna mieć paznačeńni na dziaržaŭnaj movie.
U vyniku napoi Coca-Cola, vyrablenyja ŭ Biełarusi, byli źniatyja z palic rasijskich kram da taho času, pakul nie buduć vypraŭlenyja ŭsie parušeńni.
Čytajcie taksama:
Ci varta paźbiahać koka-koły i pepsi: što kažuć chimik i daktary
U Biełarusi z Fanta źnik naturalny sok — ciapier tolki aramatyzatary i farbavalniki
Coca-Cola vyrašyła zastavacca na biełaruskim rynku
U «Koka-Koły» ŭpieršyniu za niekalki hadoŭ źjavicca novy smak