Viadomy anłajn-pierakładčyk bolš nie pracuje ŭ Biełarusi
Papularny ŠI-pierakładčyk DeepL pierastaŭ pracavać u Biełarusi i Rasii. Jak paviedamlaje Devby.io, karystalniki zamiest pierakładu bačać paviedamleńnie pra techničnyja prablemy.
Karystalniki adznačajuć, što dostup zabłakavany na ŭsich płatformach, u tym liku praz aficyjny API. Pry sprobie skarystacca z servisu ŭźnikaje pamyłka z kodam 451, jakaja aznačaje admovu z-za jurydyčnych pryčyn. Kampanija pakul aficyjna nie patłumačyła pryčyny abmiežavańnia.
DeepL — heta niamiecki prajekt, stvorany ŭ 2017 hodzie. Jon zavajavaŭ papularnaść dziakujučy vysokaj jakaści pierakładu, asabliva ŭ techničnych, pravavych i dziełavych tekstach. Mnohija karystalniki ličyli, što DeepL pieraŭzychodzić Google Translate i inšyja anałahi. Servis pracuje na ŭłasnych ŠI-madelach.
Čytajcie taksama:
Sacyjalnyja sietki robiacca hałoŭnaj krynicaj navin, i heta vyhadna palitykam-papulistam