Mahiła akademika Karskaha ŭ Pieciarburhu ŭsia zarasła barščeŭnikam FOTAFAKT

Viadomy navukoviec, zahadčyk adździeła Rasijskaj nacyjanalnaj biblijateki i adzin z najbolš aktyŭnych dziejačaŭ biełaruskaj dyjaspary ŭ Sankt-Pieciarburhu Mikałaj Nikałajeŭ apublikavaŭ u fejsbuku fota, zroblenaje na mahile akademika Jaŭchima Karskaha, što na pieciarburhskich Smalenskich mohiłkach.

Fota Mikałaja Nikałajeva

«Paśla kanfierencyi [«Sankt-Pieciarburh i biełaruskaja kultura»] pajechali na Smalenskija mohiłki, pakłaści kvietki akademiku Karskamu. Kruhom usio tak zarasło barščeŭnikam, što nie vidać pomnika — tolki viaršynia kryža. Bajaźlivyja ŭdzielniki cyrymonii nie dazvolili mnie i Mikołu Sakałovu parezać barščeŭnik — praŭda, my niekalki kaliŭ pałamali nahami i parasonami i kvietki da pomnika ŭsio ž pakłali», — napisaŭ Mikałaj Nikałajeŭ.

Mahiła Jaŭchima Karskaha ŭ 2021 hodzie. Fota Alaksieja Łastoŭskaha

Akademik Jaŭchim Karski (1861—1931) — linhvist, etnohraf, fiłołah-słavist i historyk, jakoha spraviadliva ličać adnym z zasnavalnikaŭ navukovaha biełarusaznaŭstva. Jon aŭtar šmattomnaj fundamientalnaj pracy «Biełarusy» (t. 1—3, 1903—1922), jakaja da siońniašniaha dnia źjaŭlajecca adnoj z najvažniejšych krynic pa historyi i struktury biełaruskaj movy, falkłoru i etnahrafii. 

Kamientary da artykuła