Cichanoŭskaja adkazała Pucinu na jaho słovy pra nahu ruskaha sałdata
20 červienia na Pieciarburhskim mižnarodnym ekanamičnym forumie Uładzimir Pucin, kažučy pra Ukrainu, zajaviŭ: «U nas jość takaja staradaŭniaja nie prymaŭka, nie prypavieść, a staradaŭniaje praviła: tam, dzie stupaje naha ruskaha sałdata, heta naša».
Fota Ofisa Śviatłany Cichanoŭskaj
Śviatłana Cichanoŭskaja adreahavała na hetyja słovy. Apošnija zajavy Uładzimira Pucina pakazvajuć, nakolki niebiaśpiečny rasijski impieryjalizm i jakuju pahrozu jon ujaŭlaje — nie tolki dla Biełarusi, ale i dla Ukrainy, Małdovy, Hruzii ci Armienii, prakamientavała jana «Pozirku».
«Rasija nie pavažaje suvierenitet inšych krainaŭ i hatovaja mianiać miežy siłaj», — skazała jana.
Biełaruskaja demakratyčnaja lidarka źviarnułasia da kiraŭnika RF:
«Toje, što režym Łukašenki dazvalaje rasijskim sałdatam być na našaj ziamli i vieści vajnu suprać Ukrainy, nikoli nie zrobić Biełaruś vašaj. My samastojny narod i kraina i budziem adstojvać svaju niezaležnaść».
Čytajcie taksama:
Cichanoŭskaja: Kadebisty skazali, što dziaciej lohka viarnuć u Biełaruś