Žycharka Čačerska pradavała ŭ internecie «zołata», a dasyłała ŭžyvanyja rečy
Vosieńniu 2024 hoda 29-hadovaja žycharka Čačerska vyrašyła padzarabić machlarstvam. Jana zahružała ź interneta fota załatych upryhožańniaŭ i raźmiaščała ich na prodaž na papularnaj anłajn-placoŭcy. Nizkija ceny pryciahvali pakupnikoŭ z roznych rehijonaŭ krainy.
Fota ilustracyjnaje
Paśla taho jak ludzi pieraličvali poŭnuju abo častkovuju pieradapłatu, žančyna dasyłała im pa pošcie zusim inšaje — staruju bižuteryju, kaśmietyku, dziciačyja rečy abo bytavyja drobiazi. A časam — ničoha naohuł.
Kali aburanyja pakupniki pisali joj, jana apraŭdvałasia, što pierabłytała pasyłki, i abiacała ŭsio vyrašyć. Ź ciaham času da «biznesu» dałučyłasia jaje siabroŭka, i jany ŭdvaich tracili hrošy na azartnyja hulni.
Takim čynam za 3 miesiacy machlarki atrymali amal 19 tysiač rubloŭ, padmanuŭšy 34 čałavieki. Chtości z paciarpiełych pakidaŭ usio jak jość, inšyja pahražali źviarnucca ŭ milicyju, ale tolki niekalki čałaviek sapraŭdy padali zajavu.
Na žančyn zaviali kryminalnuju spravu za machlarstva. Jany ŭžo kampiensavali 12 tysiač rubloŭ maralnaj škody.