Biełarus skraŭ dzieviać pyłasosaŭ sa składa ŭ Rasii, a zatym pryvioz ich u milicyju
25-hadovy žychar Brasłaŭskaha rajona, pracujučy na składzie ŭ Rasii, byŭ niezadavoleny sistemaj štrafaŭ, jakija pradpryjemstva vystaŭlała supracoŭnikam. Žadajučy kampiensavać hrašovyja straty, biełarus prydumaŭ prostuju schiemu, paviedamlaje Śledčy kamitet.
Fota: SK
Chłopiec uziaŭ skrynki sa štrychkodam basiejnaŭ i pierakłaŭ u ich pyłasosy — usiaho dzieviać štuk. Paśla rabotnik aformiŭ zakaz na dastaŭku hetych skrynak u Biełaruś, a praz 10 dzion zvolniŭsia i viarnuŭsia dadomu.
Adnak davieści schiemu da kanca nie ŭdałosia — majučy namier pradać pyłasosy ŭ Biełarusi, małady čałaviek daviedaŭsia, što pracadaŭcu stała viadoma pra kradziež bytavoj techniki. Chłopiec «spaliŭsia» na kamierach videanazirańnia.
Bajučysia nastupstvaŭ, biełarus pryvioz pyłasosy ŭ milicyju.
Škoda arhanizacyi naniesiena na sumu bolš za 10 tysiač rubloŭ. Adnak pyłasosy ŭ cełaści i zachavanaści viarnulisia na skład u RF.
Pa vynikach rasśledavańnia chłopcu vystaŭlena abvinavačvańnie ŭ kradziažy, ździejśnienaj u bujnym pamiery. Da suda da jaho prymianiajecca miera strymańnia ŭ vyhladzie padpiski ab niavyjeździe i naležnych pavodzinach.