Iłan Mask pryhraziŭ stvaryć Amierykanskuju partyju, kali Kanhres prymie «varjacki» zakonaprajekt
Biznesoviec pryhraziŭ stvaryć partyju, kali Kanhres prymie zakonaprajekt ab padatkovych ilhotach, jaki Donald Tramp nazyvaje «vialikim cudoŭnym zakonam».
Fota: Fota: AP Photo/Evan Vucci
«Kali hety varjacki zakonaprajekt ab vydatkach budzie pryniaty, na nastupny dzień budzie stvorana Amierykanskaja partyja. Našaj krainie patrebna alternatyva adnapartyjnaj sistemie demakrataŭ i respublikancaŭ, kab narod sapraŭdy moh hałasavać», — napisaŭ Mask u sacsietcy X.
Niezadoŭha da hetaha biźniesmien zajaviŭ, što kanhresmieny, jakija padtrymajuć zakonaprajekt ab padatkovych ilhotach, prajhrajuć prajmieryz u 2026 hodzie, «navat kali heta budzie apošniaje, što ja zrablu na hetaj Ziamli».
U adkaz Donald Tramp pahraziŭ pazbavić Maska subsidyj.
«Elektramabili — heta dobra, ale nie ŭsich treba prymušać ich kuplać. Iłan, mahčyma, atrymlivaje bolš subsidyj, čym chto-niebudź u historyi, i bieź ich jamu, vierahodna, daviałosia b zakryć svaju kramu i viarnucca dadomu, u Paŭdniovuju Afryku», — napisaŭ prezident ZŠA.
«Mahčyma, nam varta daručyć DOGE surjozna zaniacca hetym?» — pryhraziŭ jon.