U Kazachstanie zabaranili adzieńnie, jakoje chavaje tvar
Prezident Kazachstana Kasym-Žamart Takajeŭ u paniadziełak, 30 červienia, padpisaŭ zakon, jaki zabaraniaje našeńnie ŭ hramadskich miescach pradmietaŭ adzieńnia, što ŭskładniajuć raspaznavańnie tvaru.
Bakr Al Kasem/Anadolu via Getty Images
Zabarona zakranie i našeńnie nikabaŭ — musulmanskaha žanočaha hałaŭnoha ŭboru, jaki zakryvaje tvar, z vuzkaj prareźziu dla vačej, piša Detsche Welle.
Vyklučeńnie, zhodna z tekstam zakona, raspaŭsiudžvajecca na situacyi, kali ludzi zakryvajuć tvar u suviazi z vykanańniem słužbovych abaviazkaŭ, pa miedycynskich pakazańniach, dla abarony ad niespryjalnych umoŭ nadvorja, u metach hramadzianskaj abarony i padčas udziełu ŭ spartyŭnych i kulturna-masavych mierapryjemstvach.
Raniej prezident Takajeŭ vystupiŭ za našeńnie adzieńnia, jakoje padkreślivaje nacyjanalnuju identyčnaść, zamiest taho, što zakryvaje tvar.
Našeńnie relihijnaha adzieńnia, što chavaje tvar — nikabaŭ i parandžy — u hramadskich miescach zabaroniena ŭ cełym šerahu krain Jeŭrasajuza, u pryvatnaści, u Francyi, Danii, Niderłandach, a taksama ŭ šerahu inšych dziaržaŭ, naprykład, u Šry-Łancy. U studzieni zakon, jaki zabaraniaje nasić nikaby, pryniali ŭ Kyrhyzstanie. Da hetaha našeńnie nikabaŭ było zabaroniena ŭ Uźbiekistanie i Tadžykistanie.