Minski mietrapaliten vypadkova źliŭ prapahandysckuju mietadyčku
Aficyjny telehram-kanał Minskaha mietrapalitena vypadkova apublikavaŭ unutranuju instrukcyju, źviazanuju z prapahandavańniem viersii KDB pra nibyta praviedzienuju apieracyju pad kodavaj nazvaj «Harpun».
Fota: t.me/uspeli_by
Administratar kanała skapiravaŭ i vystaviŭ nie samu navinu, a instrukcyju z ukazańniami, jak i kali jaje treba raźmiaščać. U tekście havaryłasia, što post abaviazkova treba apublikavać da 2 lipienia, z maksimalnym achopam i spasyłkaj na videa.
Paviedamleńnie źjaviłasia ŭ 13:01 i chutka było vydalena, ale jaho paśpieli zachavać u archivach. Praz 13 chvilin źjaviŭsia ŭžo «pravilny» post — tolki sa spasyłkaj na film.
Film raskazvaje pra apieracyju KDB, jakaja nibyta ciahnułasia 732 dni i pryviała da aryštu aktyvista Paŭła Bialucina. KDB nibyta śpiecyjalna daŭ uzłamać svoj sajt i vykraści bazu danosčykaŭ, kab vykryć Bialucina. Adnak ža arhumienty, vykładzienyja ŭ filmie, vyhladajuć vielmi sumnieŭna.
Čytajcie taksama:
KDB dakazvaje, što ŭzłom ich sajta i publikacyja bazy danosaŭ byli častkaj ich ža śpiecapieracyi
Piać mutnych momantaŭ u historyi pra danosčyka Bialucina i «śpiecapieracyju» KDB