Azaronak paśla raznosu Łukašenkam «Biełaruśfilma» pryjechaŭ zdymać stužku na Homielščynu
Paśla taho, jak Alaksandr Łukašenka raskrytykavaŭ «Biełaruśfilm» z-za drennaha repiertuaru i straty aŭdytoryi, pradstaŭniki nacyjanalnaj kinastudyi ŭ kancy červienia pryjechali zdymać kino ŭ Homielskuju vobłaść, piša «Fłahštok».
Fota: Mazyrski pahranatrad
Ale akazałasia, što ŭ padychodzie ničoha nie źmianiłasia — heta budzie čarhovy prapahandyscki film z pracoŭnaj nazvaj «Duša armii», pryśviečany pamiežnikam. Pra heta paviedamiŭ Mazyrski pamiežny atrad, vajskoŭcy jakoha pryniali ŭdzieł u zdymkach.
Bolš za toje, aŭtaram niehulniavoha filma vystupaje Ryhor Azaronak.
«Film pra siłu i mužnaść ludziej, jakija štodnia znachodziacca na miažy. Na miažy pamiž žyćciom i śmierciu. Unikalnyja padziei, zachaplalnyja treniroŭki i śpiecapieracyi, kranalnyja asabistyja historyi — pra ŭsio heta raskaža film. Kachańnie, Honar, Advaha, a samaje hałoŭnaje — duša čałavieka ŭ taki składany momant», — z pafasam havorycca ŭ anonsie stužki.
Fota: Mazyrski pahranatrad