Žonka traktarysta ŭraziła kolkaściu syroŭ i kaŭbas, jakija padaryli mužu na pracy
«Nie, heta nie zamiest zarabotnaj płaty!»
Skrynšoty: tsvilevichtoma13 / TikTok
Biełaruska Toma žyvie z mužam u vioscy. Jana pradprymalnica, muž pracuje traktarystam. Da śviata (da 3 Lipienia) jamu dali ŭ padarunak hihancki praduktovy nabor.
«My ŭpeŭnieny, što ni ŭ vodnaj krainie tak nie ceniać svaich rabotnikaŭ, jak u nas u Biełarusi, asabliva ŭ sielskaj haspadarcy», — kaža dziaŭčyna ŭ videa u tyktoku.
«Jak vam maštaby?» — pakazvaje jana padarunak.
Na stale bačny piać pačak masła, vosiem upakovak syru, ź dziasiatak hłazuravanych syrkoŭ, upakoŭka sasisak i sardelek, try varanyja i try syravendžanyja kaŭbasy, inšyja miasnyja pradukty.
«Nie, heta nie zamiest zarabotnaj płaty!» — napisała dziaŭčyna.
Roliki z raspakoŭkaj praduktaŭ sabrali bolš za dva miljony prahladaŭ. Praŭda, nie ŭsie raździalili radaść siamji — mnohija napisali, što lepš by hodny zarobak byŭ.