U dvuch biełarusaŭ u Batumi kanfiskavali try kiłahramy kakainu i 13 tysiač tabletak ekstazi
Im pahražaje da pažyćciovaha.
Da 3 kiłahramaŭ kakainu, 13 tysiač tabletak ekstazi i asabliva bujnuju kolkaść hierainu kanfiskavała palicyja ŭ dvuch hramadzian Biełarusi ŭ Batumi, piša Newgeorgia.
Uzrost abvinavačanych — 25 hadoŭ i 21 hod. Śledstva ličyć, što narkotyki jany płanavali realizoŭvać u batumskich načnych kłubach.
Vielizarnuju partyju narkotykaŭ znajšli pry pieratrusie na zdymnaj kvatery.
U mabilnym telefonie ŭ adnaho zatrymanaha palicyja znajšła «fatahrafii kankretnych miescaŭ, vybranych dla prodažu narkotykaŭ».
Zatrymanym pahražaje da 20 hadoŭ abo biesterminovaje źniavoleńnie.