Eks-kachany abakraŭ byłuju zaznobu, vyniesšy z chaty kryštal, pakul jana lažała ŭ balnicy
Pakul žycharka Śvietłahorska znachodziłasia na lačeńni ŭ balnicy, jaje dom abakrali. Vynieśli pradukty i kryštal.
Ekśpiert-kryminalist uhledzieŭ kryminalistyčnyja i bijałahičnyja ślady, u tym liku ślady abutku na padvakońniku raźbitaha akna, praź jakoje złodziej pranik u žyllo.
Nadalej jany adyhrali klučavuju rolu ŭ rasśledavańni złačynstva, paviedamlaje Dziaržkamitet sudovych ekśpiertyz.
U chodzie apieratyŭnych mierapryjemstvaŭ supracoŭniki milicyi vyjšli na śled byłoha kachanaha paciarpiełaj, jaki i staŭ adnym z padazravanych.
Pa vynikach sudovaj trasałahičnaj ekśpiertyzy, praviedzienaj u Śvietłahorskim mižrajonnym adździele Dziaržaŭnaha kamiteta sudovych ekśpiertyz, ekśpierty paćvierdzili, što śled, znojdzieny na padvakońniku, całkam supadaje z abutkam, jaki naležyć byłomu sužycielu haspadyni doma.