Pakalečanaja ŭ Dubai ŭkrainskaja madel pačała havaryć

Maryja Kavalčuk pakul nie pamiataje, što adbyłosia. Ale jaje maci zajaviła, što viedaje imiony vinavatych.

Maryja Kavalčuk. Fota: sacsietki

Pavodle nieaficyjnaj infarmacyi, ukrainskaja madel i eskortnica Maryja Kavalčuk, jakaja pieražyła komu paśla atrymanych ciažkich paškodžańniaŭ paśla ŭdziełu ŭ adnoj z «viečarynak z šejchami», praciahvaje znachodzicca ŭ balnicy ŭ Dubai. Ź joj pastajanna znachodzicca maci — Hanna Kavalčuk.

U kamientaryi ŚMI maci raskazała, što dziaŭčyna pačała havaryć, adnak pakul nie moža pryhadać padrabiaznaści taho, što ź joj adbyłosia. Siabroŭka Maryi adznačyła, što dziaŭčyna maje surjoznyja prablemy z pamiaćciu i nie paznaje rodnych. Pry hetym jana pakul nie moža siadzieć.

Na poŭnaje adnaŭleńnie fizičnaha stanu, pa prahnozach daktaroŭ, moža pajści hod. Na hety momant dziaŭčyna ŭžo pieraniesła vosiem apieracyj.

Jašče ŭ sakaviku śledčyja Nacyjanalnaj palicyi va Lvoŭskaj vobłaści Ukrainy raspačali kryminalnuju spravu pa fakcie handlu ludźmi ŭ spravie Kavalčuk.

Maci dziaŭčyny śćviardžaje, što viedaje tych, chto vinavaty ŭ źbićci jaje dački, i ŭžo pieradała hetuju infarmacyju ŭ prakuraturu. Adnak jana admoviłasia nazvać ich imiony da kanca rasśledavańnia.

Pa słovach Hanny Kavalčuk, jana z dačkoj płanuje viarnucca dadomu. Ale na heta nieabchodna kala $4000.

Nahadajem, u śniežni 2024 hoda Maryja pajechała ŭ Abjadnanyja Arabskija Emiraty pracavać madellu. A ŭ sakaviku 2025 hoda jaje siabroŭka paviedamiła, što Kavalčuk źnikła i nie vychodzić na suviaź. Praz 10 dzion ukrainku znajšli na ŭzbočynie darohi ŭ Dubai biez dakumientaŭ i mabilnaha telefona ź pierałomami noh, ruk, stupniaŭ i chrybietnika.

Kamientary da artykuła