Trahičnaja historyja ŭkrainki Maryi Kavalčuk vyklikała cikaŭnaść da takoj źjavy, jak Porta Potty Party. Što staić za hetym fienomienam i nakolki praŭdzivyja padobnyja raspoviedy.
Niadaŭna internet uskałychnuła historyja 20-hadovaj ukrainki Maryi Kavalčuk, jakuju znajšli na abočynie darohi ŭ Dubai. U dziaŭčyny byli množnyja pierałomy noh i chrybietnika, a paśla praviedzienaj apieracyi jana nie moža havaryć. Ciapier miedyki zmahajucca za jaje žyćcio.
Apošniaje, što viadoma ab pieramiaščeńniach Maryi: jana adpraviłasia na viečarynku ŭ hatel. Uličvajučy jaje bijahrafiju (Kavalčuk zajmałasia eskortam), u ŚMI źjaviłasia infarmacyja, što dziaŭčyna mahła nakiroŭvacca na tak zvanuju Porta Potty Party.
«Porta Potty» — termin, jaki staŭ virusnym u internecie dziakujučy čutkam i raspoviedam pra zakrytyja mierapryjemstvy ŭ Dubai, dzie maładyja žančyny, časta madeli i influjensiery z roznych krain, nibyta atrymlivajuć bujnyja sumy za ŭdzieł va źnievažalnych i nieprystojnych dziejańniach. Sam termin dasłoŭna pierakładajecca jak «pieranosny harščok».
Pieršyja zhadki pra padobnyja «viečarynki» pačali źjaŭlacca prykładna ŭ 2015 hodzie na internet-forumach i ŭ sacsietkach. Paźniej, asabliva ŭ 2022 hodzie, tema nabyła virusnuju papularnaść na TikTok, Instagram i Twitter, dzie aktyŭna raspaŭsiudžvalisia videa i historyi, źviazanyja z hetym fienomienam.
U 2022 hodzie vydańnie VoxNews apublikavała materyjał, u jakim apisała sutnaść taho, što adbyvajecca na Porta Potty Party.
Zhodna z raspaŭsiudžanymi historyjami, dziaŭčaty pryjazdžajuć z roznych krain — Ukrainy, Rasii, Uschodniaj Jeŭropy, Afryki. Časta heta madeli ci žančyny, jakija imknucca da raskošnaha ładu žyćcia. Bahatyja mužčyny nibyta płaciać im dziasiatki tysiač dalaraŭ za ŭdzieł u dziejańniach seksualnaha i fizijałahičnaha charaktaru.
Siarod apisanych praktyk — koprafilija i zoafilija, vykarystańnie starońnich pradmietaŭ u jakaści seksualnych stymulataraŭ. Košt udziełu, pavodle niepaćvierdžanych źviestak, moža pačynacca ad 30 tysiač dalaraŭ.
Takija fietyšy viadomyja ŭ krajnich formach BDSM-supolnaściaŭ, adnak u vypadkach, jakija apisvajucca, havorka idzie ab ekspłuatacyi i žorstkim abychodžańni. Nielha taksama śćviardžać, što haspadarami viečarynak źjaŭlajucca vyklučna araby. Takuju «zabavu» ŭ Dubai moža arhanizavać i zamožny jeŭrapiejec.
Mnohija apaviadańni zasnavany na ananimnych krynicach i niepaćvierdžanych źviestkach. Pa čutkach, dziaŭčaty padpisvajuć pahadnieńni ab kanfidencyjalnaści pierad uvachodam u hatel abo na jachtu, tamu adsutničajuć pramyja dokazy. Tym nie mienš u internecie praciahvajuć pamnažacca šakavalnyja historyi i śpiekulacyi na hetuju temu.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ2
Kamientary