Znojdziena cieła supracoŭnicy viciebskaj chimii — jaje šukali dva z pałovaj hady
Učora Tavarystva vyratavańnia na vodach paviedamiła, što ŭ rajonie vulicy Nabiarežnaj u Viciebsku, u Dźvinie, vyjaŭlena cieła žančyny, jakaja źnikła ŭ studzieni 2023 hoda. Ukazany taksama jaje hod naradžeńnia — 1989.
Pavodle hetych danych možna mierkavać, što havorka idzie pra Taćcianu Hudzielevu (25 lutaha 1989 h.n.) — supracoŭnicu papraŭčaj ustanovy adkrytaha typu №11 (chimii), dačku byłoha namieśnika načalnika abłasnoha DAI Aleha Kosava, piša telehram-kanał «Viciebsk, ja hulaju».
Maładaja žančyna źnikła 31 studzienia 2023 hoda. Paśla zakančeńnia pracoŭnaha dnia jaje ślady zhubilisia ŭ rajonie Kiraŭskaha mosta.
Tady ŭ pošukach udzielničali vałanciory-pošukaviki i mnohija nieabyjakavyja žychary horada.
Muž Taćciany — trenier-vykładčyk pa taekvando Alaksandr Hudzieleŭ. U siamji raście dačka.