Bresckija čynoŭniki pachvalilisia «nanatechnałohijaj» — vialikim robatam, jaki padšturchoŭvaje korm karovam
Karova ŭbačyła takoje ŭpieršyniu i vyhladała troški źbiantežanaj.
Skrynšot videa Bresckaha abłvykankama
Bresckija čynoŭniki pachvalilisia ŭkaranieńniem nanatechnałohij u sielskuju haspadarku. Na novaj małočna-tavarnaj fiermie «Mačuliščy» ŭ Kamianieckim rajonie źjaviŭsia niezvyčajny robat.
Mašyna jeździć uzdoŭž fiermy i padkidvaje korm karovam. Fierma, darečy, raźličanaja na 1200 hałoŭ.
«Dzielimsia z vami, jak nanatechnałohii intehrujucca ŭ sielskuju haspadarku! Pracujuć dakładna, biez stomlenaści i vychadnych — kab u kožnaj karoŭki byŭ dostup da charčavańnia ŭ luby čas», — chvalicca Brescki abłvykankam.
Adna z karoŭ, zdajecca, ubačyła takija technałohii ŭpieršyniu i była krychu ździŭlenaja.
Robat-padšturchoŭvalnik kormaŭ sapraŭdy ekanomić čas rabotnikaŭ fiermy i dazvalaje nakiravać ich na inšyja, bolš składanyja zadačy. Adnak, u čym mienavita zaklučajucca nanatechnałohii, čynoŭniki nie rastłumačyli.