Polšča ŭviała sankcyi suprać «Biełaruskaj cemientnaj kampanii»

Ctała viadoma, što Polšča ŭviała sankcyi suprać kirujučaj kampanii chołdynhu «Biełaruskaja cemientnaja kampanija» (BCK). Heta vynikaje z abnoŭlenaha śpisu sankcyj na sajcie polskaha Ministerstva ŭnutranych spraŭ i administracyi, zaŭvažyŭ «Pozirk». BCK unieśli ŭ hety śpis jašče 22 lipienia.

Fota: bck.by

Pavodle dakumienta, kampanija aktyŭna raźvivajecca, u tym liku dziakujučy pašyreńniu supracoŭnictva z Rasijaj. Raniej chołdynh byŭ bujnym pastaŭščykom cemientu ŭ Polšču: tolki ŭ 2022 hodzie tudy było ekspartavana pradukcyi na 160 miljonaŭ złotych (kala 44,4 miljona dołaraŭ).

Akramia cemientu, u Polšču pastaŭlali taksama hašanuju i niahašanuju vapnu, a taksama budaŭničyja błoki. Pakupnikami vystupali niekalki jurydyčnych asob, u tym liku i filijał BCK u Varšavie.

U polskim ministerstvie adznačyli, što siarod klijentaŭ BCK zastajucca dźvie kampanii, jakija z 2022 hoda praciahvajuć kuplać vapnu — pradukcyju, jakaja nie padpadaje pad zabaronu na impart ź Biełarusi.

Sankcyi ŭviali tamu, što BCK ciesna supracoŭničaje z rasijskimi arhanizacyjami i pastaŭlaje pradukcyju, jakaja moža spryjać umacavańniu vajskovaha patencyjału Rasii i jaje ahresii suprać Ukrainy.

Sankcyi praduhledžvajuć zamarožvańnie aktyvaŭ kampanii ŭ Polščy, zabaronu na pieradaču finansavych i ekanamičnych resursaŭ, a taksama vyklučeńnie ź dziaržaŭnych zakupak i tendaraŭ.

Kamientary da artykuła