Stała viadoma, jak rahačoŭski zavod pracuje na rasijskuju vajskovuju pramysłovaść
Arhanizacyja Belpol vydała rasśledavańnie pra rahačoŭski zavod «Dyjaprajektar», jaki vykonvaje važnuju rolu ŭ zabieśpiačeńni rasijskaj vajskovaj pramysłovaści. Hetaje biełaruskaje pradpryjemstva vyrablaje klučavy kampanient — łazierny prybor ŁV-10, što vykarystoŭvajecca ŭ prycełach «Sasna-U» dla tankaŭ T-72B3 i T-80U.
Pavodle rasśledavańnia «Biełpoła», «Dyjaprajektar» supracoŭničaje z rasijskaj kampanijaj «Precyzijnyja łaziernyja sistemy», jakaja źbiraje ŁV-10 z detalaŭ, pieradadzienych ź Biełarusi. Paśla zborki hatovyja łaziernyja prybory viartajucca nazad na zavod u Rahačovie dla pravierki i naładžvańnia.
Častka kampanientaŭ pastaŭlajecca z Kitaja, ale taksama vyrablajecca na inšym biełaruskim pradpryjemstvie — Minskim miechaničnym zavodzie imia Vaviłava.
Paźniej hetyja hatovyja vyraby pieradajucca «Pielenhu» — najbujniejšamu biełaruskamu vytvorcu prycełaŭ dla braniatechniki, jaki pracuje na patreby rasijskaj armii. U adpaviednych dakumientach paznačana, što pradukcyja pryznačanaja dla dziaržaŭnaha abaronnaha zakazu Rasii.
U 2024 hodzie «Dyjaprajektar» vyrabiŭ 1800 łaziernych pryboraŭ, što adpaviadaje madernizacyi takoj ža kolkaści tankaŭ. Heta značyć, što biełaruskaje pradpryjemstva faktyčna ŭnosić svoj układ u vajennuju ahresiju Rasii suprać Ukrainy.
Niahledziačy na sankcyi ZŠA, uviedzienyja ŭ žniŭni 2024 hoda, zavod praciahvaje pracu i pastaŭki. Adnak sankcyi dali efiekt — rasijskim vytvorcam pryjšłosia šukać novyja kampanienty, vyraśli ceny i pahoršyłasia jakaść techniki.
U 18-m pakiecie sankcyj — čatyry biełaruskija kampanii i zavod «Lehmaš», praduhledžvajucca zachady suprać biełaruskich bankaŭ
Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ
Biełaruski «Pielenh» sudzicca z pradpryjemstvam rasijskaha VPK za daŭhi
Jak «Intehrał» abychodzić sankcyi i dapamahaje Rasii ŭ vajnie
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary
Lahčej zaŭvažyć jak žyvieły jaduć denacyficyravanych akupantaŭ u lesapołcy čym tank.
Biełpoł, dzie sankcyi na Kitaj?
Niechta mnie nahadaje dzie apošni ..hod abodva baki vykarystoŭvali tanki ?
Matacykły pamiataju niešta ab asłach kazali ale tam ińšyja ...prybory
Usie z usich bakoŭ handlujut " 18 pakiet navat" uviali i...u dronach znachodziat ni tolki kitajskija zchiemy.)))
Mabyć ni treba " prybory" kłaści...