U hałasavańni za ptušku 2026 hoda pieramoh čorny busieł
U Biełarusi abrali Ptušku hoda — 2026, paviedamlaje «Smartpres». Pieramožcam ź vialikim adryvam staŭ čorny busieł, za jakoha prahałasavali 4663 čałavieki. Na druhim miescy apynułasia ščurka-pčałajedka (1356 hałasoŭ), na trecim — łastaŭka-ziamlanka (1071).
Čorny busieł. Fota: Zdenek Krchak
Čorny busieł zaniesieny ŭ Čyrvonuju knihu Biełarusi i achoŭvajecca ŭ bolšaści jeŭrapiejskich krain. Jon adroźnivajecca tym, što, u adroźnieńnie ad svajho biełaha svajaka, lubić samotnaść i hniaździcca na vialikich drevach, časta vykarystoŭvajučy adny i tyja ž hniozdy dziesiacihodździami.
Hetyja hniozdy mohuć być vypadkova źniščanyja pry vysiečcy lasoŭ, tamu arnitołahi rajać vyznačać miescy hniezdavańnia i achoŭvać ich, a taksama stvarać štučnyja płatformy dla busłoŭ u miescach, dzie nie chapaje patrebnych dreŭ.
Vybar ptuški hoda adbyvaŭsia ŭ niekalki etapaŭ: spačatku adbiralisia kandydaty, jakija raniej nie mieli hetaha zvańnia i sutykajucca z prablemami, jakija možna vyrašyć praz aśvietnickuju pracu. Paśla byli abranyja piać finalistaŭ (akramia vyšejnazvanych, byli jašče kačka-čyrka (atrymała 543 hałasy) i čajka-rybačka (374), za jakich možna było prahałasavać da 30 lipienia.
Čytajcie taksama:
«Rodnieńki!» Redki čorny busieł usio ž taki viarnuŭsia na Kleččynu — spaźniŭsia na miesiac
Troje biełarusaŭ vyratavali paranienaha čornaha busła
U čornych busłoŭ u Biełarusi stała vyvodzicca bolš ptušaniat. U čym pryčyna?
«Akieła pramachnuŭsia». U siecivie zavirusiłasia paciešnaje VIDEA, jak brescki kot palavaŭ na busła