«Kibierpartyzany»: «Aerafłot» braŭ udzieł u vajskovych pieravozkach
Pavodle źviestak hrupy «Kibierpartyzany», rasijskaja avijakampanija «Aerafłot» udzielničała ŭ arhanizacyi vajskovych avijapieravozak. Pra heta stała viadoma z dakumienta, datavanaha 20 lutaha 2025 hoda, jaki byŭ zdabyty «Kibierpartyzanami» pry ŭzłomie kampjutarnych sistem avijakampanii.
Zdymak ilustracyjny. Fota: Jakub Porzycki/NurPhoto via Getty Images
U dakumiencie vajskovy kamiendant maskoŭskaha aeraporta «Šaramiećcieva» źviartajecca da namieśnika hiendyrektara «Aerafłota» z prośbaj stvaryć unutrany akaŭnt u sietcy kampanii — dla naładžvańnia apieratyŭnaj kamunikacyi i płanavańnia vajskovych pieravozak u abmiežavanym kole vykanaŭcaŭ.
28 lipienia «Kibierpartyzany» sumiesna z hrupaj Silent Crow praviali kibierataku na sistemy «Aerafłota». U vyniku byli źniščanyja bolš za 7 tysiač siervieraŭ i pracoŭnych stancyj, bazy danych i ŭnutranyja sistemy. Kampanija była vymušanaja skasavać dziasiatki rejsaŭ, a Hienprakuratura RF raspačała kryminalnuju spravu.
Čytajcie taksama:
Ataka biełaruskich kibierpartyzanaŭ naniesła «Aerafłotu» škodu na 10—50 miljonaŭ dalaraŭ