Vyniki hienietyčnaj ekśpiertyzy stali zusim sumnymi dla žycharki Małaryckaha rajona
Zvarot u sud z metaj spahnać alimienty z byłoha muža na ŭtrymańnie traich niepaŭnaletnich dziaciej zaviaršyŭsia dla žycharki Małaryckaha rajona sumna — mužčyna inicyjavaŭ praviadzieńnie hienietyčnaj ekśpiertyzy.
Fota: Dziaržkamitet sudovych ekśpiertyz
Kab u dalejšym być upeŭnienym u baćkoŭstvie (a sumnievy ŭ mužčyny mielisia) i finansava akazvać dapamohu rodnym dzieciam, praviadzieńnie hienietyčnaj ekśpiertyzy źjaŭlałasia adzinym varyjantam vyrašeńnia pytańnia.
Vyniki sudova-hienietyčnaj ekśpiertyzy rasstavili ŭsie kropki nad «i», paviedamlaje Dziaržkamitet sudovych ekśpiertyz.
U chodzie praviadzieńnia daśledavańnia ekśpierty ŭpraŭleńnia Dziaržaŭnaha kamiteta sudovych ekśpiertyz pa Bresckaj vobłaści vyklučyli bijałahičnaje baćkoŭstva mužčyny ŭ adnosinach da dvuch dziaciej, u adnosinach da treciaha dziciaci — svajactva paćvierdžana.