U łahier «Zubrania» pryvieźli dziaciej ź Indyi
U dziciačy łahier «Zubrania» prybyli 24 padletki ź Indyi. Jak paviedamiła Ministerstva adukacyi Biełarusi, vizit adbyvajecca ŭ miežach mižnarodnaj źmieny pad nazvaj «Biełaruś — Indyja: na kryłach družby», a dzieci prybyli na zaprašeńnie Alaksandra Łukašenki.
Fota: t.me/MinobrofBelarus
Indyjskija dzieci praviaduć u Biełarusi 12 dzion.
«Buduć adpačyvać, azdaraŭlacca i, viadoma, zahłyblacca ŭ našu kulturu — ad tradycyj i ramiostvaŭ da narodnych piesień i tancaŭ. Žyvyja znosiny, supolnyja hulni, ekskursii i tvorčyja sustrečy dapamohuć junym haściam lepš spaznać Biełaruś, a našym dzieciam — adkryć dla siabie jarkuju i šmathrannuju Indyju», — piša Ministerstva adukacyi.