U Łošycy rychtujuć da adkryćcia daŭhabud «Mandaryn»
U staličnaj Łošycy chutka adčynicca fizkulturna-azdaraŭlenčy centr «Mandaryn», jaki raźmieščany na vulicy Ja. Łučyny. Pavodle infarmacyi telehram-kanała «Minskbud», FAK adkryjecca ŭ najbližejšy čas.
Fota tut i dalej — Minskbud
Spartkompleks pačaŭ budavać u 2021 hodzie polski zabudoŭščyk na pryciahnuty kredyt. Adnak z-za deficytu srodkaŭ pracy daviałosia prypynić, damovu z palakami skasavali.
Budaŭnictva adnaviłasia na pačatku minułaha hoda. Zakazčykam vystupiła pradpryjemstva «Akva-Minsk», jakoje vałodaje akvaparkam, haścinicami, miedycynskim centram i niekalkimi minskimi fizkulturna-azdaraŭlenčymi centrami.
Prajektnyja raboty vykanali śpiecyjalisty «Minskprajekta». Darečy, «Mandaryna» ŭ Łošycy budavali pa ŭzoru jašče adnaho «Mandaryna», što pracuje ŭ Zavodskim rajonie stalicy.
U łošyckim «Mandaryna» budzie try basiejny: adzin dla darosłych i dva dla dziaciej. Akramia taho, tut adkryjucca dźvie ruskija łaźni, finskaja saŭna i chamam. Pobač z łaźnievym kompleksam budzie kupiel. Taksama jość salany pakoj i džakuzi. Jašče ŭ składzie kompleksu — trenažornaja zała i zona adpačynku ź ležakami.
Interjer centra vykanany ŭ ekastyli: tut buduć tryśniahovyja naviesy, draŭlanyja siadzieńni i abšyŭka ścien, jakaja imituje zrub. Akvazona ŭpryhožana dekaratyŭnymi raślinami, a taksama mini-sažałkaj z rybkami. U faje kompleksu jość vadaspad sa šklanoj ścianoj i padśvietkaj.