Łukašenka nazvaŭ raźniu ŭ Bučy dobra spłanavanaj akcyjaj
Alaksandr Łukašenka ŭ intervju žurnalistu Sajmanu Šusteru pastaviŭ pad sumnieŭ złačynstvy rasijskich vajskoŭcaŭ u Bučy pad Kijevam u pačatku vajny.
Buča, 3 krasavika 2022 hoda. Fota: AP
«My viedajem chto heta rabiŭ, my viedajem numary aŭtamabilaŭ, na jakich pryjechali arhanizatary! Čamu heta ŭsio zamiali na Zachadzie? Na vajnie vielmi prosta ŭziać cieła, źviazać ruki zzadu i kinuć na vulicu… Našy śpiecsłužby kankretna źviartali ŭvahu zachadu na niekatoryja rečy! Vy zamylili ich», — skazaŭ Łukašenka.
Buča była pad akupacyjaj rasijskich vojsk 28 dzion u lutym-sakaviku 2022 hoda, rasijanie ździejśnili ŭ horadzie pad Kijevam masavaje zabojstva cyvilnaha nasielnictva, viadomaje jak bučanskaja raźnia.
Žurnalisty — śledčyja Bellingcat raźviančali sproby Rasii pierakrucić trahičnyja padziei ŭ Bučy. Pavodle źviestak, apublikavanych 7 krasavika, 90% achviar siarod mirnych žycharoŭ horada zahinuli ŭ vyniku rasstrełaŭ rasijanami.