Taliby masava zakryvajuć sałony pryhažości
U Kabule pradstaŭniki ruchu «Taliban» raspačali maštabnaje zakryćcio žanočych sałonaŭ pryhažości. Pavodle śviedak, jany vyjaŭlajuć hetyja ŭstanovy, paśla čaho abstalavańnie razburajuć abo kanfiskujuć, paviedamlaje afhanskaje vydańnie TOLOnews.
Afhanskija žančyny ŭ Kabule. Fota: AP Photo / Ebrahim Noroozi, File
Da hetaha rašeńnia ŭ halinie pryhažości pracavała kala 60 tysiač žančyn, mnohija ź jakich byli asnoŭnymi karmicielkami siemjaŭ. Zakryćcio sałonaŭ stała surjoznym udaram pa ekanamičnym stanie žančyn, jakija zajmalisia hetaj dziejnaściu.
Krytyki ličać, što hetaja miera źjaŭlajecca častkaj palityki «Talibanu» pa pastupovym vyklučeńni žančyn z sacyjalnaha i ekanamičnaha žyćcia. Pavodle ich, u madeli dziaržavy, jakuju imkniecca ŭstalavać «Taliban», miesca dla aktyŭnaj prysutnaści žančyn faktyčna nie zastajecca.