Na Lepielščynie reabilitavali babra, jaki nibyta vysušyŭ cełaje voziera

U Lepielskim rajonie Viciebščyny amal całkam vysachła voziera Kastryckaje. Spačatku miascovyja žychary padazravali, što ŭ biadzie vinavaty babior — maŭlaŭ, jon moh prakapać naru ŭ dambie, jak heta ŭžo było letaś. Ale ekołahi pravieryli hetuju viersiju i śladoŭ babra nie znajšli, paviedamlaje ANT.

Toje, što zastałosia ad voziera Kastryckaha

Vyśvietliłasia, što pryčyna inšaja: paśla mocnych zaleŭ 19 lipienia ŭzrovień vady źmienšyŭsia prykładna na paŭmietra, pačaŭsia razmyŭ bierahoŭ. 23 lipienia damba nie vytrymała i jaje prarvała. Rybałovy sprabavali ŭratavać voziera, ale biezvynikova.

Ciapier vadajom amal pieratvaryŭsia ŭ bałota — ryba zahinuła, ptuški pakinuli hety kraj. Adradzić voziera možna, kali zasypać prałom i ŭmacavać dambu z dapamohaj śpiectechniki.

Kamientary da artykuła