U Čechii babry za noč pabudavali płacinu tam, dzie jaje ŭźviadzieńnie doŭha nie mahli ŭzhadnić čynoŭniki
Kałonija babroŭ u češskim rehijonie Brdy nabyła viadomaść, pabudavaŭšy niekalki płacin u achoŭnaj pryrodnaj zonie i stvaryŭšy naturalnyja vodna-bałotnyja ŭhodździ mienavita tam, dzie jany byli nieabchodnyja. Heta aščadziła miascovym uładam bolš za miljon dalaraŭ i vyklikała žarty siarod hramadskaści adnosna biurakratyi i dziaržaŭnaha kiravańnia, paviedamlaje Radio Prague International.
Administracyja achoŭnaj pryrodnaj zony Brdy, jakaja dabiłasia zhody na prajekt koštam 30 miljonaŭ kron (kala 1,2 młn dalaraŭ), zajmałasia farmalnaściami i atrymlivała nieabchodnyja budaŭničyja dazvoły ad administracyi basiejna, kali prajekt płaciny byŭ amal imhnienna realizavany miascovaj kałonijaj babroŭ.
Jany vybrali miesca idealna, pastaviŭšy płaciny na abchadnym kanale, vykapanym vajskoŭcami na byłoj vajskovaj bazie šmat hadoŭ tamu, kab asušyć hetuju terytoryju. Prajekt revitalizacyi, raspracavany ekołahami, pavinien byŭ vypravić hetuju situacyju.
Kiraŭnik administracyi Brdynskaj achoŭnaj zony Bahumił Fišer adznačyŭ, što pryroda ŭziała vierch i babry stvaryli nieabchodnyja bijatopnyja ŭmovy litaralna za adnu noč.
«Vajskovaje lesakiraŭnictva i administracyja basiejna raki Vłtava viali pieramovy, kab uzhadnić prajekt i vyrašyć pytańni ŭłasnaści na ziamlu. Adnak babry ich apiaredzili, aščadziŭšy nam 30 miljonaŭ kron. Jany pabudavali płaciny biez prajektnaj dakumientacyi i całkam biaspłatna», — dadaŭ jon.
Zaołah Iržy Vłček adznačyŭ, što miascovaja administracyja nie mahła kankuravać z babrovaj kałonijaj.
«Babry mohuć pabudavać płacinu za adnu noč, maksimum za dźvie. A ludziam patrebnyja budaŭničyja dazvoły, uzhadnieńni i finansavańnie. Ale, viadoma, ekskavatarnik, pracujučy adzin, moh by zrabić heta za tydzień».
Śpiecyjalisty-ekołahi, jakija inśpiektavali płaciny, śćviardžajuć, što stvoranyja babrami vodna-bałotnyja ŭhodździ i vadajomy buduć spryjać raźvićciu papulacyi redkaha kamiennaha raka, žab i inšych vidaŭ, jakija cudoŭna adčuvajuć siabie ŭ takich umovach.
Kiraŭnik Centralnabahiemskaha adździaleńnia Češskaha ahienctva achovy pryrody i łandšaftu Jarasłaŭ Obiermajer adznačyŭ:
«Babry zaŭsiody viedajuć lepš. Miescy, dzie jany budujuć płaciny, zaŭsiody abranyja pravilna — značna lepš, čym kali my heta prajektavali b na papiery».
U hetym rehijonie žyvie jak minimum adna siamja jeŭrapiejskich babroŭ, jakaja składajecca prykładna z vaśmi asobin.
Jakaja suviaź pamiž babrami i ptuškami?
Babry hryzuć drevy ŭ skviery ŭ centry Minska FOTAFAKT
Sud u ZŠA razhladaje spravu ab babrysie, jakaja nie choča žyć u dzikaj pryrodzie
U haradach sustrakajecca ŭsio bolš babroŭ. Ci niebiaśpiečnyja jany dla ludziej?
Babior smačny? Pacuk sa śpiecyjami taksama — smakata: bolš za 10 tysiač čałaviek padpisalisia suprać kaŭbasy z babra
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary
prajektyroŭščyki musiać zastralicca )