U lipieni ŭ Rasiju pradali ŭsiaho dva aŭtobusy MAZ

U lipieni 2025 hoda ŭ Rasii było pradadziena ŭsiaho dva aŭtobusy MAZ — heta ŭ 14 razoŭ mienš, čym za taki ž miesiac hodam raniej, kali było pradadziena 28 aŭtobusaŭ, śviedčać danyja ahienctva «ASM-chołdynh», praanalizavanyja vydańniem «Pozirk».

Fota ilustracyjnaje

Za studzień — lipień 2025 hoda na rynku Rasii było realizavana 134 aŭtobusy MAZ (u paraŭnańni z 322 hodam raniej — źnižeńnie ŭ 2,4 raza).

Uvohule za 2024 hod MAZ pradaŭ u Rasii 504 adzinki techniki (u 2023 hodzie — 925; -45,5%), zaniaŭšy 9-je miesca pa abjomach prodažaŭ z dolaj 2,6%.

Alaksandr Łukašenka 9 krasavika 2024 hoda zajaviŭ na naradzie pa raźvićci pramysłovaści, što da 2030 hoda subjekty Rasijskaj Fiederacyi pavinny atrymać kala 40 tysiač aŭtobusaŭ, trolejbusaŭ, tramvajaŭ i elektrobusaŭ, na što ŭžo vydzielenyja hrošy. Zadača biełaruskaj pramysłovaści — zabiaśpiečyć nie mienš za 30% patrebnaha abjomu. Adnak jon pry hetym adznačyŭ, što ajčynnaja pradukcyja sastupaje anałaham jak pa canie, tak i pa jakaści.

Biełaruskija aŭtobusy padčas ruchu rehularna zaharajucca — pryčynaj hetaha nazyvajuć sankcyi, uviedzienyja suprać MAZa zachodnimi krainami, jakija pazbavili jaho častki jakasnych kamplektujučych.

Kamientary da artykuła