Zialenski sustreniecca z Trampam u paniadziełak
Zialenski sustreniecca z Trampam u paniadziełak u Vašynhtonie, paviedamlajuć ukrainskija ŚMI.
Fota z telehram-kanała Uładzimira Zialenskaha
Donald Tramp pahavaryŭ z prezidentam Ukrainy Uładzimiram Zialenskim paśla sustrečy z Uładzimiram Pucinym. Taksama Tramp patelefanavaŭ lidaram krain NATA.
Pres-sakratarka Biełaha domu Kerałajn Livit paviedamiła žurnalistam, što padčas palotu ŭ Vašynhton Tramp mieŭ «doŭhuju razmovu» z prezidentam Ukrainy Zialenskim.
Zialenski zaznačyŭ, što pahavaryŭ z Trampam adzin na adzin, a zatym taksama z udziełam jeŭrapiejskich lidaraŭ. Razmova sam-nasam doŭžyłasia hadzinu, jašče paŭhadziny — ahulnaja razmova.
«My padtrymlivajem prapanovu Prezidenta Trampa adnosna trochbakovaj sustrečy Ukraina — Amieryka — Rasija. Ukraina padkreślivaje: klučavyja pytańni mohuć abmiarkoŭvacca na ŭzroŭni lidaraŭ, i trochbakovy farmat padychodzić dla hetaha.
Usie detali adnosna spynieńnia zabojstvaŭ, spynieńnia vajny źbirajusia abmierkavać z Prezidentam Trampam u Vašynhtonie ŭ paniadziełak. Udziačny za zaprašeńnie.
Važna, kab jeŭrapiejcy byli dałučanyja na ŭsich etapach dziela nadziejnaha harantavańnia biaśpieki razam z Amierykaj. My abmierkavali stanoŭčyja sihnały ad amierykanskaha boku adnosna ŭdziełu ŭ harantavańni biaśpieki Ukrainie. Praciahvajem kaardynavać našyja pazicyi z usimi partniorami. Dziakuj usim, chto dapamahaje!» — napisaŭ Zialenski ŭ svaim telehram-kanale.
Čytajcie taksama:
Tramp zajaviŭ, što zaraz damoŭlenaść pa Ukrainie zaležyć ad Zialenskaha
Tramp pieradaŭ Pucinu list ad Miełanii pra ŭkrainskich dziaciej
Niamiecki dypłamat: Pucin pieramoh na pieramovach z Trampam
Tramp adkłaŭ na dva-try tydni ŭzmacnieńnie sankcyj suprać Rasii paśla pieramovaŭ z Pucinym