U Ščučynskim rajonie niećviarozy mužčyna palez łavić rakaŭ i patanuŭ
Uviečary 15 žniŭnia 44-hadovy mužčyna z Hrodna ŭ kampanii svajakoŭ i siabroŭ adpraviŭsia na vadajom pablizu vioski Karašava Ščučynskaha rajona. Heta skončyłasia trahiedyjaj, paviedamili va Upraŭleńni Śledčaha kamiteta pa Hrodzienskaj vobłaści.
Fota: Śledčy kamitet
Paśla ŭžyvańnia ałkaholu hrodzieniec zajšoŭ u vadu, kab łavić rakaŭ, i nieŭzabavie tyja, chto zastaŭsia na bierazie, pierastali jaho bačyć.
Sproby znajści mužčynu pa haračych śladach akazalisia biezvynikovymi. Tolki nastupnaj ranicaj jahonaje cieła było znojdziena i vyciahnutaje z vady supracoŭnikami Tavarystva ratavańnia na vodach.