Byłoha afhanca ź Viciebska asudzili da kałonii za «sadziejničańnie ekstremisckaj dziejnaści»

Andrej Matusienka paŭtara hoda prasłužyŭ u Afhanistanie. Ciapier jon za kratami.

Andrej Matusienka. Fota ź jahonaj staronki «Ukantakcie»

Andreju Matusienku ź Viciebska 56 hadoŭ. U asnoŭnym pracavaŭ dalnabojščykam, jeździŭ paŭsiul — Jeŭrasajuz, Rasija, Biełaruś, Ukraina.

Matusienka słužyŭ u Afhanistanie. Čas jahonaj słužby — ź listapada 1987-ha da lutaha 1989-ha, to-bok byŭ siarod tych, chto vyjazdžaŭ z Afhanistana adnym z apošnich. Słužyŭ jon u zvańni radavoha miechanikam-kiroŭcam u składzie 345-ha asobnaha hvardziejskaha parašutna-desantnaha pałka. Maje miedal «Za bajavyja zasłuhi».

U 2006 hodzie Matusienka zasnavaŭ u Smalenskaj vobłaści firmu «MM-Tranzit». Jaje śfiera dziejnaści — hruzapieravozki. U 2020 hodzie firmu likvidavali.

Paśla hetaha viciebčuk praciahnuŭ pracavać u roznych firmach u Rasii — naprykład, «S-Trans», jakaja zajmajecca pieravozkami.

Andrej Matusienka adznačaje Dzień voinaŭ-internacyjanalistaŭ. Fota ź jahonaj staronki «Ukantakcie»

Sud nad mužčynam adbyŭsia ŭ 2025 hodzie ŭ Viciebskim abłasnym sudzie. Andreja Matusienku pryznali vinoŭnym u «sadziejničańni ekstremisckaj dziejnaści» (č. 1 i č. 2 art. 361-4 KK).

Zatrymali mužčynu, mierkavana, kala lutaha 2025 hoda. Paśla suda jon zastaŭsia za kratami.

Andreju pahražała da siami hadoŭ kałonii, ale dakładny prysud nieviadomy.

Kamientary da artykuła