«Anieha» atrymała štraf u amal try tysiačy rubloŭ
Parušeńni znajšli ŭ dakumientach na ekspartnuju pradukcyju viadomych čypsaŭ.
Vyjava: onega.by
MARH raskazaŭ adrazu pra niekalki kampanij, jakija pracujuć z bulbaj abo vyrabami ź jaje i atrymali štrafy.
«Azbuka snekaŭ», jakaja vałodaje brendam «Anieha», atrymała štraf u 2776,85 rubloŭ — kala 10% ad koštu vyviezienych tavaraŭ. Kamitet dziaržaŭnaha kantrolu zaŭvažyŭ u ich niapravilna aformlenuju dakumientacyju na ekspartnyja tavary (častka 2 art. 13.34 KaAP).
Taksama štraf u 1153,30 rubloŭ atrymaŭ «DaraBudHandal» i «Ekafrutłend» — u 5510 i 210 rubloŭ na jurydyčnuju i słužbovuju asobu. U ich pabačyli parušeńni ŭ dakumientacyi pa častcy 4 art. 13.2 KaAP.
Parušeńni ŭ adpusknych cenach na bulbu byli ŭ fiermiera «Ramanienka Andrej Uładzimiravič». Jon, zhodna MARH, nadta chutka pavyšaŭ ceny na pradukcyju. Pradprymalniku pahražaje štraf da 16 tysiač rubloŭ.