Biełarusbank raskazaŭ, jaki telefonny numar zaŭsiody machlarski

Biełarusbank papiaredziŭ, što luby zvanok u miesiendžarach z numara 147 zaŭsiody robiać machlary.

Ašukancy časta pradstaŭlajucca supracoŭnikami banka abo siłavych struktur i sprabujuć zapałochać čałavieka, naprykład, paviedamlajučy, što na jahonaje imia aformleny kredyt abo što jon nibyta pieraličvaje hrošy «ekstremistam».

Paśla hetaha razmovu pieravodziać u miesiendžary, dzie sprabujuć vymanić asabistyja danyja karty. Dalej machlary mohuć stvaryć tokien — ličbavy anałah karty — i zdymać hrošy ŭ bankamatach.

U pres-słužbie banka padkreślili, što sapraŭdnyja supracoŭniki nikoli nie patrabujuć:

• rekvizity kartak;
• kody z SMS-paviedamleńniaŭ;
• PIN-kody;
• stavić dadatkovyja prahramy na telefon.

Biełarusam rajać atrymlivać usiu nieabchodnuju infarmacyju tolki praz aficyjny numar banka 147 (jon dla taho, kab na jaho zvanić samim, a nie atrymlivać zvanki) abo niepasredna ŭ adździaleńniach. Heta dapamoža zaścierahčysia ad machlarstva.

Kamientary da artykuła