Vykryli internacyjanalny machlarski koł-centr, jaki zaachvočvaŭ ludziej stać «inviestarami»
Hienprakuratura nakiravała ŭ sud kryminalnuju spravu suprać 55 supracoŭnikaŭ machlarskaha koł-centra, jaki dziejničaŭ u Biełarusi, Rasii i Kyrhyzstanie.
Ašukancy raspaŭsiudžvali ŭ internecie infarmacyju pra mahčymaść zarabić hrošy na inviestycyjach u finansavyja kampanii. Z tymi, chto reahavaŭ na prapanovu, jany vychodzili na suviaź i roznymi sposabami prymušali pieravieści jak maha bolš hrošaj. Kali «inviestar» chacieŭ vyvieści zaroblenyja hrošy, jamu admaŭlali pad roznymi adhavorkami.
Struktura koł-centra była padzielenaja na niekalki adździełaŭ: adna hrupa pierakonvała zrabić pieršy pieravod, druhaja ŭtrymlivała ŭvahu klijenta, treciaja zajmałasia stvareńniem kantentu dla pryciahnieńnia ŭvahi ŭ internecie, a taksama padrobkaj čekaŭ i dakumientaŭ.
Jašče adzin adździeł zabiaśpiečvaŭ supracoŭnikaŭ technikaj, prahramami i servisami, a taksama isnavaŭ asobny adździeł, jaki pryciahvaŭ novych ludziej u arhanizacyju.
Ahulnaja škoda, naniesienaja machlarami, aceńvajecca ŭ 2,5 miljona rubloŭ.
U vyniku byli raspačatyja kryminalnyja spravy pa artykule pra machlarstva ŭ asabliva bujnym pamiery abo hrupaj asob (častka 4 artykuła 209 Kryminalnaha kodeksa), a taksama ŭ zaležnaści ad roli kožnaha ŭdzielnika — stvareńnie abo ŭdzieł u złačynnaj arhanizacyi (častki 1 i 2 artykuła 285). Adzin z zatrymanych dadatkova budzie sudzicca pa artykule ab niezakonnym abarocie narkotykaŭ.
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary